Statistik Kunjungan
Total kunjungan sebanyak:
kunjungan sejak 2008.
Untuk melihat rincian kunjungan, silahkan klik di sini.

Resep Masakan

Pais Lauk

Bahan:
1 kg lauk cai, disisit, dikumbah dugi ka beresih. Cukaan 1 sdt, kanggo ngicalkeun hanyirna antep 15 mnt. Tos 15 mnt, kumbah deui laukna, tuuskeun. Uyahan 1 sdm pinuh tambahan pecin. Galokeun. Pami hoyong nyerep simpen sawengi na kulkas.

Bungbu + Ngadamelna:
10 siki Muncang, 2 buku curuk koneng, 5 sihung bawang beureum, direndos dugi ka lemes. Goreng ku mantega campur minyak. Tos tiis lebetkeun bawang daun kenging nyiksik sareng daun surawung. Aduk dugi ka nyampur.

Sayogikeun daun cau manggala (pami aya) Lauk balur ku bungbu tadi, beuteungna dilebetan oge bungbu.
Bungkuskeun ku daun cau bade janten sabaraha bungkuseun kumaha kapalay. Naha bade dua dua atanapi hiji-hiji sabungkusna.

Tilepkeun tungtung sareng tungtung diseumatan. Buntel deui ku koran. Seupan upami hoyong empuk dugi kacucuk-cucukna, nyeupanna kirang langkung 5 jam, tiap sajam sakali tambihan cai bilih saateun.

Tos asak angkat. garang dina katel supados peungkeur. Parantos.
Wilujeng Mais Lauk!

Kintunan ti Neng Pupy
urang-sunda.or.id

Oseng cumi

Bahan:

  • Sasendok minyak goreng
  • 2 sihung bawang bodas,siksik
  • 25 gr bawang bombay,siksik
  • 200 gr cumi-cumi,potong siga korek api
  • 100 gr paprika beureum,potong siga korek api
  • 50 gr saledri,potong siga korek api
  • 2 sendok saos tiram
  • 1 sendok kecap asin
  • 2 sendok tek pedes
  • Uyah

Ngadamelna:

  • Tumis bawang bodas sareng bawang bombay dugi kaseungit.
  • Lebetkeun cumi-cumina,oseng-oseng sakedap.
  • Tambihkeun paprika sareng saledri.Ageungan seuneuna,oseng-oseng sing
  • enggal.
  • -Angkat.

wilujeng nyobi….

Kintunan ti Neng Pupy
urang-sunda.or.id

Lotek

Bahan:
waluh, toge, kangkung diseupan, bade ditambihan ku kacang pjg ge
mangga
waluh disiksik stik. Kangkung dipotong2 daunna + gagangna.

Bungbu + Ngadamelna:
Uyah, gula beureum, cengek, suuk direndos dugi ka lemes, kanggo
ngaledokan bungbu tambihan kulub kentang. Tos lemes, tambihan ku cai
asem kinten2 1 sdt ngarah gahar.
Brus seupan waluh, toge, kangkung. Galokeun we. Raosan uyah gulana.
Tiasa dipurulukan bawang goreng, tambihan sareng kurupuk.

Kintunan ti Neng Pupy
urang-sunda.or.id

Kueh Waluh Koneng

Bahan:

  • 400 gr waluh koneng,seupan teras dilemeskeun
  • 200 gr waluh koneng,potong 1cm ka1cm
  • 5 mata nangka,potong 1cm ka 1cm
  • 200 gr tipung beas
  • 50 gr tipung aci
  • 200 gr gula bodas
  • 350 cc cipati
  • 1/2 hulu kalapa,diparut

Cara ngadamelna:

  • Campurkeun waluh koneng nu tos lemes sareng tipung beas,tipung aci,gula bodas,cipati dugi ka rata.
  • Campurkeun kalapa parut (sapalih) sareng waluh nu kenging ngeureutan kana adonan tadi.
  • Alihkeun adonan eta kana loyang anu tos diolesan minyak kalapa.
  • Seupan 20 menit.Teras awuran nangka diluhureunana.Seupan 20 menit deui.
  • Angkat teras tiiskeun.Pami tos tiis kaluarkeun tina loyang,keureutan sakahoyong urang bae.
  • Sajikeun sareng kalapa parut anu kenging nguyahan sakedik.

Mangga wilujeng nyobi.

Hatur nuhun.
Kintunan ti Neng Pupy
urang-sunda.or.id

Hayam Suwir Pedes

Bahan:

  • 2 dada hayam, godog dugi ka asak, suwir kasar
  • 350 ml cipati kentel tina sahulu kalapa
  • 5 lambar daun jeruk
  • 2 batang sereh, geprek
  • 1 cm laja, geprek
  • 2 lambar daun salam
  • 1 sdm ciasem jawa
  • 1 sdt uyah
  • 1/2 sdt pedes bubuk
  • 4 sdm minyak goreng

Lemeskeun :

  • 10 buah cabe beureum
  • 10 sihung bawang beureum
  • 5 sihung bawang bodas
  • 1 sdm gula beureum, sisir
  • 2 cm cikur
  • 1 sdt tarasi asak

Ngadamelna:

  1. 1. Hayam saatos digodog, suwir-suwir. Simpen heula.
  2. 2. Panaskeun minyak goreng, oseng-oseng bungbu nu tos lemes dugi ka seungit. Lebetkeun cipati, hayam suwir, daun jeruk, sereh, laja, salam, ciasem, uyah jeung pedes. Masak dugi ka saat, nyerep, angkat.

Kanggo : 8 urang

Kintunan ti Neng Pupy
urang-sunda.or.id